Fundargerð skólaráðs 25. september 2025

Fundur í skólaráði Eskifjarðarskóla

Fundur í skólaráði Eskifjarðarskóla fimmtudaginn 25.09.2025 kl. 16:30

Mættir voru: Sigrún Traustadóttir skólastjóri, Arndís Bára Pétursdóttir aðstoðarskólastjóri, Freyr Guðnason, Davíð B. Sigurjónsson, Vilborg K. Björgvinsdóttir, Elísabet Ólöf Ásbjörnsdóttir, Andri Dagur Sigurjónsson og Sigurþór Hreggviðsson.

Dagskrá fundar:

• Farið yfir niðurstöður úr könnunum Skólapúlsins skólaárið 2024-2025
• Kynning á fyrirhuguðum breytingum á námsmati í skólum Fjarðabyggðar
• Minnt á heimasíðu skólans

Farið var yfir niðurstöður úr könnunum Skólapúlsins sem lagðar voru fyrir skólaárið 2024-2025. Gerður var samanburður á milli ára sem sýnir að skólinn er að síga upp á við í mörgum þáttum en það sem helst þarf að bæta er líðan nemenda. Framundan er könnun í október og hefur verið ákveðið að gefa nemendum meiri tíma til þess að geta gert könnunina vel en skólinn telur að með því verði könnunin markverðari.

Kynntar voru þær breytingar sem eiga sér stað á námsmati hjá skólunum í Fjarðabyggð en allir skólarnir að undaskyldum Eskifjarðarskóla ætla að taka þessar breytingar inn núna. Við ætlum hins vegar að halda okkar striki þetta skólaárið og koma inn að fullu haustið 2026. Eskifjarðarskóli telur að slíkar breytingar þurfi að kynna vel fyrir foreldrasamfélaginu og verður það gert á kynningarfundum í ágúst 2026 sem og að farið verður yfir þetta á foreldraþingi þann 22. okt. n.k.

Minnt var á heimasíðu skólans grunnesk.is og mikilvægi þess að halda síðunni virkri og þar sé hægt fyrir foreldra að nálgast allar nýjustu upplýsingar.

Fundi slitið

Fundargerð ritaði

Sigrún Traustadóttir skólastjóri