Bóndadagur

Þorrasöngstund í Eskifjarðarskóla

Við héldum söngstund í salnum okkar fimmtudaginn 22. janúar, og tilefnið var Bóndadagur sem er á morgun og gengur þá þorri í garð. Kennarinn Friðrik Á. Þorvaldsson hélt utan um dagskrána og fræddi nemendur um hefðir, daga og ýmsilegt annað sem tengist þorranum. 

Á dagskrá voru eftirfarandi lög: Þorraþræll, Á Sprengisandi, Krummavísa, Kátir voru karlar og Nú er úti norðanvindur. Kennararnir Guðmann, Frissi, Anton og Heiðar leiddu sönginn við undirleik Andra Bergmanns og kunnum við honum hinar bestu þakkir fyrir frábært undirspil. Það var heldur betur stemmning í salnum og allir tóku hressilega undir. 

Bóndadagur 23. janúar

Við hvetjum nemendur í öllum bekkjum að mæta í fínum eða snyrtilegum fötum á morgun í tilefni bóndadagsins. 

Nemendur á yngsta stigi mega koma með sparinesti og bangsa með sér í skólann. 

Við í Eskifjarðarskóla bjóðum þorrann velkominn.