Fréttir

Í dag, föstudaginn 27. febrúar, var dagur sjaldgæfra sjúkdóma og heilkenna. Í tilefni dagsins klæddust nemendur og starfsfólk Eskifjarðarskóla einhverju glitrandi eða mættu í sínu fínasta pússi. Á bóndadegi færðu stúlkurnar drengjunum gjöf sem þær höfðu bakað og föndrað. Í dag héldum við áfram þessari hefð í tilefni konudagsins og strákarnir gáfu stelpunum góðgæti og buðu í notalega stund í salnum.

Í dag, 18. febrúar, var öskudagur haldinn hátíðlegur. Nemendur mættu í skemmtilegum búningum í skólann og dagurinn hófst á söngstund.

Það var gott skref í rétta átt að koma gömlu skólabjöllunni til síns heima en hún hafði verið í fóstri í núverandi skólabyggingu frá því að flutt var úr gamla skólanum árið 1985.

Þann 5. febrúar heimsóttu margir nemendur hið glæsilega fiskiskip Vilhelm Þorsteinsson EA 11.

Nemendur á mið- og elsta stigi sýndu mikinn dugnað í sundi í nóvember. Í þremur sundtímum var skráð hversu langt hver hópur og hver nemandi synti og reiknað út meðaltal fyrir hvern bekk.

Nemendur 6. bekkjar buðu foreldrum sínum til íslenskuveislu, fimmtudaginn 29. janúar. Krakkarnir höfðu æft leikrit, ljóð, söng og dans með Frissa íslenskukennara sínum og gripu því tækifærið að gera meira úr hlutunum og setja upp sýningu fyrir ættingja og enda gleðina á Pálínuboði.

Í pólskri menningu er sérstakur dagur helgaður ömmum og öfum í janúar. Dagur ömmu (Dzień Babci) er haldinn 21. janúar og dagur afa (Dzień Dziadka) 22. janúar. Af þessu tilefni buðu nemendur í 4. bekk ömmum og öfum í heimsókn í skólann í gær 22. janúar.

Við héldum söngstund í salnum okkar fimmtudaginn 22. janúar, og tilefnið var Bóndadagur sem er á morgun og gengur þá þorri í garð. Við hvetjum nemendur í öllum bekkjum að mæta í fínum eða snyrtilegum fötum á morgun í tilefni bóndadagsins.

Í dag, 19. desember, voru veitt verðlaun og viðurkenningar fyrir bestu sögurnar í fjórum aldurshópum, en þar voru sögur frá þremur nemendum í Eskifjarðarskóla.

Gleðileg jól og farsælt komandi ár. Með innilegu þakklæti fyrir hið liðna. Hittumst á nýju ári 5. janúar! Með hátíðarkveðju, Eskifjarðarskóli.