Fréttir

Lestrarsprettur 2020

Lestrarsprettur 2020
Lesa meira

Dagar myrkurs

Í dag 30.október var allt starfsfólk og nemendur svartklædd og með vasaljós í tilefni daga myrkurs.
Lesa meira

Útskrift 10. bekkjar

Það var fríður og föngulegur hópur 10. bekkinga sem kvaddi skólann í dag. Útskriftin tókst vel undir stjórn Hildar Drafnar umsjónarkennara krakkanna, margt skemmtilegt rifjað upp frá skólagöngu þeirra og margir nemendanna kvöddu skólann formlega með fallegum orðum. Ásta Stefanía skólastjóri flutti nemendum bestu árnaðaróskir með framhaldið á námsferli þeirra. Útskriftin var sannarlega gleðistund og við færum líka nemendum og foreldrum 9. bekkinga þakkir fyrir að uppvarta alla þá sem í salnum voru og samfögnuðu útskriftarnemendunum.
Lesa meira

Vordagur tvö - 28. maí

Fjörið heldur áfram í þvílíkri blíðu þar sem hitinn fór upp í 15 stig. Yngsta stigið hóf daginn í sundlauginni okkar og þar var kátt í höllinni. Þau fóru síðan þaðan og sungu fyrir heimilisfólkið í Hulduhlíð þrjú lög. Miðstigið hélt áfram með smiðjurnar sínar og þar vakti mikla athygli barnanna að fá að róa sín fyrstu skref á kajak en Kristinn Þór í Sjósporti hélt vel utan um krakkana og á hann skildar miklar þakkir fyrir góða hjálp. Elstu nemendurnir fóru í langa göngu út í friðlandið á Hólmanesi. Frábær ferð eftir nýjum göngustíg sem auðveldar ferðina mikið. Flottur dagur í skólanum.
Lesa meira

Fyrsti vordagur - miðvikudagur

Það lék við okkur veðrið á fyrsta vordeginum, margt í gangi á öllum stigum og nemendur fengu góða skemmtun, útiveru, þrautir og nóg af súrefni í lungun. Nemendur á elsta stigi fóru á hjólum út á sveitina og á leiðinni leystu þeir ýmsar þrautir, keppnin var hörð milli hópa en gleðin þó í fyrirrúmi. Á miðstiginu unnu krakkarnir í smiðjum og skemmtu sér vel við allt sem þar var boðið upp á. Yngstu börnin gengu eftir göngustíg ofan byggðar alla leið út á Móeyri þar sem leikir og fjör beið þeirra. Flottur dagur hjá öllum.
Lesa meira

Vordagar og skólaslit 2020

Það verða vordagar hjá okkur nú í lok skólaársins. Hefðbundinni kennslu lýkur þriðjudaginn 26. maí og við taka þrír útivistardagar þar sem hvert stig fer á ferðina og nýtur skemmtilegra daga úti við. Það er margt í gangi, hjólaferðir, gönguferðir, fjöruferðir, sauðburður, laxeldisfræðsla, listasmiðjur, sund og svo mætti lengi telja. Við vonum að veðrið leiki við okkur á góðum dögum. Skólaslit 10. bekkjar verða fimmtudaginn 28. maí kl. 18:00 en daginn eftir kveðjum við síðan 1. - 9. bekk að aflokinni grillveislu í hádeginu. Þá tekur sumarið við nemendum okkar en starfsdagar hjá starfsfólki skólans við frágang og skipulag næsta vetrar.
Lesa meira

1. bekkingar fá góða gjöf

Það voru ánægðir krakkar í 1. bekk sem tóku á móti reiðhjólahjálmum að gjöf frá Eimskip og Kiwanis. Með gjöfinni er stuðlað að enn frekara öryggi í umferðinni og óhöppum og slysum fækkað. Við hvetjum alla, sama í hvaða aldurshópi þeir eru, til að hafa hjálma á höfði þegar farið er í lengri sem styttri hjólaferðir. Við þökkum Eimskip og Kiwanis fyrir góða gjöf sem sannarlega kemur sér vel.
Lesa meira