Fréttir

Sökum tafa á viðgerðum sundlaugar Eskifjarðar, verður ekki unnt að hafa sundkennslu miðvikudaginn 28.september og fimmtudaginn 29.september. Þess í stað er stefnt á að hún opni föstudaginn. september klukkan 06:00. Það verður því íþróttakennsla í þeim tímum sem nemendur eiga að vera í sundi í vikunni. Nemendur mæta með viðeigandi íþróttafatnað í þá tíma. Beðist er velvirðingar á þessu.

Á morgun mánudaginn, 26. september, er appelsínugul viðvörun á Austfjörðum, vegna hvassviðris. Ekki er þó talin þörf á að loka leik- og grunnskólum en foreldrar eru beðnir að fylgjast vel með tilkynningum frá skólunum með morgni og meta hvort þeir sendi börnin í skóla. Veður getur verið slæmt þó ekki sé talin þörf á að leggja niður kennslu og þá er rétt að hafa yngri börnin heima ef ekki er hægt að fylgja þeim bæði í og úr skóla.

Hulda Lind og Katrín María voru kosnar fulltrúar Eskifjarðarskóla í Ungmennráð af nemendum skólans.

Miðvikudaginn 7. september kl. 17:00 mun Þorgrímur Þráinsson flytja fyrirlesturinn Verum ástfangin af lífinu í matsal Nesskóla.

Nú er ljóst að samræmd könnunarpróf verða ekki lögð fyrir á þessu skólaári og fram til 2024. Prófunum var frestað í kjölfar lagabreytinga í sumar og ákveðið var að þróa áfram Matsferil, sem er nýtt samræmt námsmat í grunnskólum. Framundan er áframhaldandi samráð og samvinna við skóla um Matsferil og vinna við skipulag á forprófunum á lesskilningsverkefnum og öðrum verkefnum sem geta nýst sem verkfæri fyrir skóla er hafin.

Eskja gaf bekkjarsett af Ipödum, hulstur og heyrnartól til 1. bekkjar. Við þökkum kærlega fyrir þessa veglegu gjöf.

Frá og með skólabyrjun skólaárið 2022-2023 verður leyfisbeiðnum fyrir frí einn dag eða meira alfarið afgreiddar í gegnum Mentor. Sótt er um leyfi á sama stað og nemendur eru tilkynntir veikir, undir hnappnum Ástundun á svæði foreldra. Skólastjórnendur og ritari sjá um að afgreiða leyfisbeiðnir og móttöku á veikindabeiðnum.

Skólaárið hefst á okkur 22. ágúst 2022 með foreldraviðtölum. Viðtalið er bókanlegt á Mentor svæði foreldra. Opnað verður fyrir bókun í foreldraviðtöl miðvikudaginn 17.ágúst.

Hér í Eskifjarðarskóla eru mikið af óskilamunum sem sakna eigenda sinna. Þegar börnin fara í sumarfrí í dag er mikilvægt að allur fatnaður tengdur nemendum verði tekin með heim.