Íþróttadagur Fjarðabyggðar 7. - 10. bekkur

Íþróttadagur Fjarðabyggðar

Miðvikudaginn 21. maí verður sameiginlegur Íþrótta- og gleðidagur Fjarðabyggðar.

Þar sem þetta er skóladagur fram á kvöld eiga nemendur 7. – 10. bekkja að mæta í skólann kl. 13:00 miðvikudaginn 21. maí, en ekki kl. 8:00 eins og venjan er. Nemendur leggja af stað kl. 13:35  með rútu frá Eskifirði til Reyðarfjarðar þar sem fjölbreytt dagskrá býður þeirra fram á kvöld. Nemendur eru hvattir til að hafa með sér gott nesti en sjoppuferðir eru ekki leyfilegar.

Athugið: Fyrir þá nemendur sem ætla ekki að fara á dansleik þá er í boði að fara heim með rútu klukkan 18:00. Rútan kemur að skólanum klukkan 18:00. Starfsfólk félagsmiðstöðva Fjarðabyggðar hefur sent út leyfisbréf sem foreldrar fylla út og gildir þá sem leyfisbréf til þess að vera á dansleik. Vinsamlega munið eftir því að fylla það út ef ykkar barn ætlar að vera alla dagskránna.

Nemendum hefur verið kynnt dagskrá dagsins en hún er þessi:

13:00                 Mæting í Eskifjarðarskóla

13:35- 14:00  Komið í Fjarðabyggðahöllina

14:00-17:00    Íþróttadagur

17:00-18:00    Kvöldverður – pizzur

18:00 – 18:20  Rútur fara heim fyrir þá sem ætla ekki á ball

Undirbúningur fyrir dansleik

19:00-22:00    Dansleikur í íþróttahúsi Reyðarfjarðar

22:30                 Brottför frá Reyðarfirði

22:50                 Heimkoma – Rútan stoppar hjá skólanum

Foreldrar eru hvattir til að sækja börn sín þangað.

Hverjum bekk hefur verið úthlutað ákveðnum lit sem auðkenni og eru nemendur í beðnir um að mæta í eftirfarandi litum:

7. bekkur - blár

8. bekkur- rauður

9. bekkur- hvítur

10. bekkur- gulur

Með kveðju frá skólanum