Lestrarspretti Eskifjarðarskóla lauk í dag

Lestrarsprettur

Lestrarspretti Eskifjarðarskóla lauk í dag 24. nóvember. Síðustu þrjár vikur hafa nemendur lesið af miklum krafti heima og í skólanum. Þetta var fyrsti lestrarspretturinn sem var keyrður í gegnum smáforritið Læsi, sem skólinn tekur formlega upp eftir áramót. Nemendur skráðu samanlagt 26.570 mínútur í heimalestri á tímabilinu.

Læsi - nýtt forrit sem einfaldar skráningu og fylgni

Í tengslum við lestrarsprettinn var smáforritið Læsi notað í prufukeyrslu. Forritið hefur reynst bæði nemendum, kennurum og foreldrum einstaklega gagnlegt. Það einfaldar skráningu á heimalestur, heldur utan um framvindu og sýnir skýrt hvort nemendur nái markmiðinu um að lesa:

• 5 sinnum í viku
  
  

• 15 mínútur á dag
  
  

Í appinu safnast lesnar bækur í rafræna bókahillu, og nemendur geta séð vinsælar bækur jafningja sinna. Þetta hefur reynst frábær hvatning og skapað aukna umræðu um lestur í skólunum.

Vel gert hjá okkar nemendum. Áfram lestur – áfram Eskifjarðarskóli!