Plánetur og stjörnur í 6. bekk

6. bekkur hefur að undanförnu unnið skemmtilegt og metnaðarfullt verkefni um plánetur og stjörnur í tengslum við kaflana Geimurinn í Náttúrulega 2 og Jörð í alheimi í Auðvitað – náttúrufræði með Ásdísi kennara.

Mikill tími og alúð hefur farið í verkefnið enda um að ræða mikla nákvæmnisvinnu. Nemendur föndruðu plánetur og unnu jafnframt með fjölbreyttar upplýsingar um þær sem þau söfnuðu saman og settu fram á blaði.

Þetta er afar duglegur hópur sem hefur staðið sig mjög vel í vinnunni. Við hvetjum alla sem eiga leið um skólann til að gefa verkefninu gaum og skoða afraksturinn.