Unglingar plokka

Nemendur á unglingastigi sýndu svo sannarlega hvað í þeim býr. Þau tóku sig til og hreinsuðu rusl af norðurströnd fjarðarins, allt frá Helgustaðanámu til kaupstaðarins. Ekki svo mikið sem snifsi varð eftir á leið þeirra. Þetta framtak átti einstaklega vel við því landlægur áhugi er orðinn á svokölluðu plokki og að auki var umhverfisvika sveitarfélagsins í vikunni á undan. 

Frábært framtak hjá unglingunum okkar að hugsa svona vel um umhverfið okkar allra.

Svo upptekin voru þau af plokkinu að enginn festi þetta á filmu. Að auki hafa miðvikudagar í vetur verið svokallaðir símalausir dagar þannig að enginn unglingur var með símann á sér.