Útskrift 10. bekkjar

Glæsilegur hópur 10. bekkinganna okkar

Það var fríður og föngulegur hópur 10. bekkinga sem kvaddi skólann í dag. Útskriftin tókst vel undir stjórn Hildar Drafnar umsjónarkennara krakkanna, margt skemmtilegt rifjað upp frá skólagöngu þeirra og margir nemendanna kvöddu skólann formlega með fallegum orðum. Ásta Stefanía skólastjóri flutti nemendum bestu árnaðaróskir með framhaldið á námsferli þeirra. Útskriftin var sannarlega gleðistund og við færum líka nemendum og foreldrum 9. bekkinga þakkir fyrir að uppvarta alla þá sem í salnum voru og samfögnuðu útskriftarnemendunum.