Fréttir

Ásmundur Einar Daðason, mennta- og barnamálaráðherra, kom í heimsókn í Eskifjarðarskóla miðvikudaginn 11. maí 2022.

Í gær fengu nemendur 8.-10.bekkjar Geðlestina í Eskifjarðarskóla. Geðfræðslunni lauk með tónleikum fyrir alla nemendur skólans með rapparanum Emmsjé Gauta.

Páskafrí að loknum skóladegi í dag 8.apríl. Nemendur mæta aftur í skólann skv. stundaskrá þriðjudaginn 19.apríl. Eigið gott páskafrí.

Fimmtudaginn 7.apríl 2022: Fyrri sýning kl 16:00 Seinni sýning kl 20:00 Aðgangseyrir 1000 kr 500 kr fyrir börn og ellilífeyrisþega. Posi er ekki á staðnum.

Nemendur í 10. bekk fá afhent verðlaunin fyrir 2. sætið á fjármálaleikunum.

Fimmtudaginn 31. mars var Stóra upplestarkeppnin haldin í safnaðarheimilinu á Reyðarfirði, voru þar að keppa fulltrúar frá öllum skólum Fjarðabyggðar. Fyrir hönd Eskifjarðarskóla kepptu þær Katrín María Jónsdóttir og Salóme Una Aradóttir og stóðu þær sig báðar með mikilli prýði. Katrín María hlaut önnur verðlaun keppninnar og óskum við henni innilega til hamingju.

Árshátíð 6.-10. bekkjar fór fram í miðvikudaginn 30. mars og Páskaskemmtun 1.-5. bekkjar fór fram fimmtudaginn 31. mars. Hver bekkur var með flott skemmtiatriði og lauk árshátíðinni með söngvarakeppni. Vel heppnuðum hátíðum lokið og hæfileikaríkir krakkar í Eskifjarðarskóla.

Nemendur 10.bekkjar við Eskifjarðarskóla urðu í 2.sæti í Fjármálaleikunum. Markmiðið með keppninni er að hvetja sem flesta nemendur til að spreyta sig á skemmtilegum spurningaleik um fjármál. Nemendur fengu 100.000 kr í peningaverðlaun og ætla að gefa upphæðina til Barnaspítala Hringsins. Við óskum 10. bekknum okkar innilega til hamingju með þennan frábæra árangur.

Athugið að frá og með 15.mars 2022 taka gildi reglur í grunnskólum Fjarðabyggðar að skrá skal öll skipti sem nemendur mæta of seint í kennslustund. Ekki er lengur hægt að hringja í ritara og tilkynna um að nemendur mæti of seint til þess að komast hjá skráningu.