Fréttir

Mánudagsmorguninn 3. október hófst skólastarf Eskifjarðarskóla á söngstund. Nemendur tóku hraustlega undir í söngstundinni sem var undir stjórn kennara skólans.

Veltibíllinn verður í heimsókn hjá okkur þriðjudaginn 11. október. Hann verður á bílastæðinu fyrir ofan Eskifjarðarskóla (við Lambeyrarbraut) frá 13:30 til 15:00. Allir nemendur eru velkomnir þó að skóla sé lokið hjá 1.-4.bekk. 5.-7.bekkur geta farið í Veltibílinn að loknum skóladegi hjá sér kl 13:40 og 8.-10.bekkur eru í skólanum til 15 þennan dag. Þau fara þá í veltibílinn á sínum skólatíma.

Fimmtudaginn 13. október kl 12:20 - 13:00 verða Gunni og Felix í Eskifjarðarskóla með öllum nemendum skólans.

Anna Margrét og Kolka Dögg hugmyndasmiðir lentu í þriðja sæti í keppninni.

Sökum tafa á viðgerðum sundlaugar Eskifjarðar, verður ekki unnt að hafa sundkennslu miðvikudaginn 28.september og fimmtudaginn 29.september. Þess í stað er stefnt á að hún opni föstudaginn. september klukkan 06:00. Það verður því íþróttakennsla í þeim tímum sem nemendur eiga að vera í sundi í vikunni. Nemendur mæta með viðeigandi íþróttafatnað í þá tíma. Beðist er velvirðingar á þessu.

Á morgun mánudaginn, 26. september, er appelsínugul viðvörun á Austfjörðum, vegna hvassviðris. Ekki er þó talin þörf á að loka leik- og grunnskólum en foreldrar eru beðnir að fylgjast vel með tilkynningum frá skólunum með morgni og meta hvort þeir sendi börnin í skóla. Veður getur verið slæmt þó ekki sé talin þörf á að leggja niður kennslu og þá er rétt að hafa yngri börnin heima ef ekki er hægt að fylgja þeim bæði í og úr skóla.

Hulda Lind og Katrín María voru kosnar fulltrúar Eskifjarðarskóla í Ungmennráð af nemendum skólans.

Miðvikudaginn 7. september kl. 17:00 mun Þorgrímur Þráinsson flytja fyrirlesturinn Verum ástfangin af lífinu í matsal Nesskóla.

Nú er ljóst að samræmd könnunarpróf verða ekki lögð fyrir á þessu skólaári og fram til 2024. Prófunum var frestað í kjölfar lagabreytinga í sumar og ákveðið var að þróa áfram Matsferil, sem er nýtt samræmt námsmat í grunnskólum. Framundan er áframhaldandi samráð og samvinna við skóla um Matsferil og vinna við skipulag á forprófunum á lesskilningsverkefnum og öðrum verkefnum sem geta nýst sem verkfæri fyrir skóla er hafin.